方力申慨嘆人生無常

方力申透露8月時曾跟高以翔一起打籃球。

方力申（小方）昨日（27日）現身香港尖沙嘴出席聖誕活動時，對於台灣男星高以翔拍攝內地綜藝節目期間猝死，小方感到非常可惜，並慨嘆人生無常：「8月先同佢一齊打籃球，佢仲幫我拍咗環島泳嘅宣傳片，所以非常可惜。佢絕對係健康嘅人，食嘢好健康，我哋一齊食嘢，佢都係食菜、食沙律先，佢係我好多身邊女仔嘅男神。」講到藝人經常要捱更抵夜工作，小方說：「依家經常有心臟隱性病，我上次游水都有檢查心臟，因為我細個有心律不正，而且環島游期間，我心跳得好快，嗰刻我好驚，即刻減慢速度。」