側田移居泰國專心創作音樂

側田闊別舞台三年，前晚（20日）舉行首場《側田第一秒音樂會2022》，期間側田感觸良多，好友方力申、鄧麗欣、楊愛瑾及小肥亦有睇騷。

側田最希望以音樂會友，因此開騷就像在一個大型Band房內玩音樂一樣，他在台上即場Jam結他、Rap歌，又大唱泰文歌，他表示：「我諗咗三年，晚晚喺度幻想呢一刻講咩，最怕一開口就喊，我真係好掛住你哋！呢三年好多人問我去咗邊，我搬咗去泰國住，殺死我嘅Ego。因為我發現自己失去笑容、有雜念，咁樣係會影響到我嘅創作，所以我需要離開處理一下。」

側田提起結他jam歌時多次忘記歌詞又甩咀，氣氛真的「原汁原味」。他又透露在2019年經歷過被背叛及利用之後，發現身邊好多蛇蟲鼠蟻。他又不點名唱出〈愛這個字〉送給女友。

側田前晚（20日）在香港的灣仔會展舉行音樂會。（相關機構圖片）