自認多人追

噚日，佘詩曼出席器官捐贈宣傳活動，仲話自己去年已填寫器官捐贈卡，佢話：「我覺得對自己冇損失，又幫到人，況且施比受更有福。」此外，佘詩曼早前參加內地廚藝真人節目，練得一手好廚藝，問佢會唔會吸引更多追求者？佢就笑笑口答：「我不嬲都多㗎！點都要咁講嘅，哈哈！」佢又充滿自信咁話而家最拿手嘅小菜係避風塘蝦！

佘詩曼鼓勵大家填寫器官捐贈卡。